Eitt lágtrýstøki fer at vera beint vestan fyri Írland, og tað fer at draga lýggja luft úr Vesturevropa ímóti okkum.  

Einki brúgvalag við regni ella øðrum avfalli sæst nærkast okkara leiðum næstu 5 dagarnar, men tað fer at vera løtur við ælaveðri.

Mánadagin:

Fyrrapartin frískt lot til frískan vind av landsynningi, 5 til 10 m/s, skýggjað og okkurt ælið. Seinnapartin lot til frískt lot av landsynningi, 3 til 8 m/s. Um kvøldið og náttina av ymsum ættum millum útsynning og landsynning, skýggjað og regn ella ælaveður. Hitin 4 til 8 stig, í hæddunum niður í 2 stig.

Týsdagin:

Lot til frískt lot av landsynningi, 3 til 8 m/s, sum frá líður frískt lot til frískan vind av landsynningi, 5 til 10 m/s, skýggjað og ælaveður, um kvøldið og náttina okkurt ælið. Hitin millum 5 og 9 stig.

Mikudagin:

Frískur vindur upp í strúk av landsynningi, 8 til 13, seinnapartin og um kvøldið upp í hvassan vind 15 m/s, samdrigið og ælaveður. Hitin millum 6 og 9 stig, í hæddunum niður í 3 stig.

Hósdagin:

Frískur vindur upp í hvassan vind av landsynningi, 10 til 15 m/s, samdrigið og bert okkurt ælið. Um kvøldið samdrigið og ælaveður. Hitin 3 til 7 stig.

Fríggjadagin:

Frískur vindur upp í hvassan vind av landsynningi, 10 til 15 m/s, samdrigið og ælaveður. Um náttina frískt lot til frískan vind av landsynningi, 5 til 10 m/s, samdrigið og okkurt ælið. Hitin 2 til 6 stig.