Tað er Eldraráðið í Norðoyggjum, sum stendur fyri tiltakinum, sum verður í Smæruni á Kjalarvegnum 48. Endamálið er at upplýsa og vegleiða um, hvussu gerandisdagurin kann gerast lættari, tá ið tú skalt samskifta við tað almenna ella bíleggja heilivág á apotekinum. 

Umboð frá Talgildu Føroyum og Apoteksverkinum koma at greiða frá og vísa, hvussu teirra tænastur virka. Serliga verður hugt eftir:

Samleikin: Hvussu tú fært hann og brúkar hann trygt.
Vangin: Ein lættur máti at avgreiða tíni persónligu viðurskifti.
Apotekið: Sí tína recept og bílegg heilivág beint á netinum.
Fulltrú: Hvussu tú kanst geva einum avvarðandi loyvi at hjálpa tær inni á Vanganum.

Tak teldu, teldil (iPad) ella telefon við tær.

GG: Um tørvur er á hjálp til at stovna Samleikan á staðnum, er neyðugt at hava pass ella koyrikort við.

Norðoya Sparikassi verður eisini við á tiltakinum, og kann m.a. veita hjálp og góða kunning um keypa á netinum.  

Tiltakið er ætlað borgarum 60 ár og eldri.