Luftin kemur allan vegin úr Sibiria, har eitt máttmikið hátrýst er, sum sendir ta køldu luftina m.a. hendan vegin til okkara.

Ættin skiftir eitt sindur ímillum eystan og landsynning, og tað er næstan einasta broyting sum er í veðrinum. Skýloftið fer at vera grátt alt vikuskiftið, og okkurt fer at detta niðurúr, regn ella vátakavi.   

Fara vit til veðrið í vikuskiftinum, so hevur hann ligið av landsynningi í morgun og eitt sindur eftir middag, 10 til 15 m/s, men seinnapartin fer hann upp í eystan og minkar vindin niður 8 til 13 m/s. Framvegi skýggjað við sólglottum og bert okkurt ælið. Hitin í dag millum 2 og 7 stig, men í nátt niður í frostmarkið.

Í morgin fer hann niðuraftur í landsynning, 8 til 13 m/s, skýggjað og regn ella ælaveður, í støðum vátakavi. Hitin 1 til 6 stig.

Sunnudagin gongur hann upp í eystan og minkar vindin niður í frískt lot til frískan vind, 5 til 10 m/s. Aftur skýggjað við sólglottum og ælaveðri, og í støðum vátakavi. Hitin fer at liggja millum 4 og 7 stig.

Gott vikuskifti.