Frá Skúlatrøð vóru tað 4 skúlaflokkar, sum høvdu meldað til, og fóru teir við bussinum árla mikumorgunin. Tað vóru næmingar og lærarar í 4.a, 5.a.b. og 6.b, sum hugalig og spent fóru til havnar.

Dagurin var væl skipaður við verkstovum og felags dansi, men tað var kanska serliga kvæðatalent, sum næmingarnir vóru serliga spentir uppá og høvdu fyrireikað seg til.

Flokkarnir høvdu vant kvæði, stev, kropsburð og rødd, fyri at sýningin fyri dómarunum skuldi verða so góð sum gjørligt, og so var spennandi at vita, hvør fekk 1. pláss og vann kappingina.

Okkara fingu rósandi orð fyri sýningarnar, men tað rakk tó ikki til eitt fyrstapláss, men hóast tað, so var dagurin góður og læruríkur.

Dagurin endaði við einum braki, tá Hamradun hevði eina fantastiska konsert fyri næmingunum. Ein alvorliga góð konsert, har Hamradun fekk áhoyrararnar við, og so sungu næmingarnir so sera væl við eisini.

Vit á Skúlatrøð takka fyri góða tiltakið.