Her fáa tey ungu ein serstakan møguleika at venja saman við altjóða hondbóltsstjørnum og royndum venjarum frá feløgum sum GOG, Kiel og Valur. Dentur verður lagdur á menning, spæligleði og at øll fáa eina góða uppliving.

Heimskent stórfelag úr Týsklandi á vitjan

Størsta navnið í kappingini er týska stórfelagið Kiel, ið verður roknað millum heimsins sterkastu hondbóltsfeløg. Kiel hevur vunnið týsku Bundesliguna og Champions League fleiri ferðir og er kent fyri sína professionalismu og sterka hóp.

Seinast vunnu teir á Champions League-vinnaranum SC Magdeburg. Á liðnum hjá Kiel er eisini føroyska stjørnan Elias á Skipagøtu.

Danskt toppfelag við føroyskum stjørnuskoti

Danska felagið GOG er eitt av fremstu liðunum í donsku kappingini og er kent fyri sítt framúr góða ungdómsarbeiði og skjótan, tekniskan hondbólt.

Nýliga tryggjaði GOG sær bronsu í donsku steypakappingini, og á liðnum er føroyska stjørnuskotið Óli Mittun.

Meistarar úr Íslandi

Úr Íslandi kemur Valur, ið fyri stuttum vann EHF European Cup og harvið staðfesti sína støðu millum sterkastu liðini í Evropa.

Á liðnum hjá Vali spæla tveir føroyingar – Allan Norðberg og Bjarni í Selvindi

Hondbóltskúlin er ætlaður øllum hondbóltsáhugaðum – bæði royndum og óroyndum.

Kostnaðurin fyri hondbóltskúlan er Kr. 700,- (+ ómaksgjald kr. 30,-). Miðmáli og tilmeldingarblusa er íroknað.

Keyp atgongumerki á: www.eventz.fo/hondboltsskuli

Stuðla Wenzel Nordic Cup 2026 hava: Trygd, Carrent, SMS, Føroya Tele, Haps og Magn