Asbjørn frá Hirtshals krokar í Ánunum
Christian í Grótinum hevur ligið eina løtu og bíðað eftir skipsboðum.
Norðborg hevur lagt nakað av frystari vøru upp í Norðhavnini, sum var farið av lagi í lastini.
Um sekstíðina fóru teir til Fuglafjarðar at leggja lýsi upp, taka brennievni, og síðani aftur til Norðhavnina at leggja restina av frystilastini upp.
Annars lá Norðingur og bíðaði eftir veðri. Tá ið Borgarin er liðugur í Fuglafirði, kemur hann aftur á Klaksvík at bíða.
Veðrið er ikki júst av tí besta.
