Andreas Lava Olsen og Geza Turi syrgdu í avgerandi løtunum fyri, at Víkingur kom víðari til næsta leikumfar í Europa League.
Andreas Lava Olsen kom inn og fekk javnað fyri Víking móti FC Daugava. 1-1 javnleikurin var nokk til at Víkingur kom víðari. Eftir útjavnandi málið fekk Daugava tveir risa møguleikar, men fyrst stórbjargaði Geza Turi og síðani bjargaði Hanus Jacobsen á málstrikuni. Har bíðar Tromsø úr Noregi, sum vann fyrra dystin 7-0 í sínum dysti móti FC Santos úr Estlandi. Harafturat kemur umleið ein millión(tað var upphæddin í fjør) í peningi til Víking fyri at hava vunnið seg víðari í kappingini.
