Trý óvæntað nøvn á A-landsliðnum

Lars Olsen hevur í morgun tikið landsliðshópin út til dystin móti Sveis.

Millum tey 23 nøvnini vóru tveir KÍ leikarar. Teir vóru Hørður Askham og Páll A. Klettskarð. Mest óvæntað var tað, at Karl Løkin, Eli F. Nielsen og Patrik Johannesen eru úttiknir, tí fyri Eli og Patrik er hetta fyrstu ferð, at teir eru á A-landsliðnum. Allir tríggir hava verið sannførandi í ár í Effodeildini. Lars Olsen nevndi eisini, at ein orsøk fyri at Jóannes Bjartalíð og Jákup B. Andreasen ikki vóru uppá tal var tí, at teir spæla á U21 landsliðnum, har teir fáa meir spælitíð á høgum støði.