Fyri umleið 7.200 árum síðan hendi eitt ovurstórt skriðulop á norsku hellingini, har einir 1700 km3 av leiri og eyri ruddu út í Norska havið.
Hendingin elvdi til eina røð av tsunami-aldum, sum raktu øll londini í Norð ur atlants havi.
Útrokningar vísa, at Føroyar vórðu raktar av tsunamialdu einar tveir tímar aftaná hendingina.
Granskarar úr Svøríki, Danmark, Noregi og Onglandi hava leitað í nøkur ár eftir ábendingum kring Føroyar, sum kunnu siga nakað um, hvussu høgt tsunami-aldurnar skolaðu inn yvir landið.
Í boringum í vatn inum á Vágseiði í Suðuroy eydnaðist teimum at staðfesta og dagfesta jarðløg frá tsunami-ald unum.
Borikjarnurnar vísa, hvussu tsunami-aldurnar, sum skolaðu inn yvir vatnið á Vágseiði, skræddu alt upp framman fyri sær. Gras, mold og alt tað leysa á vatnbotninum varð skrætt upp niður á hellu á leiðini. Samstundis blakaði ovur stóra aldan
havsand og smásteinar inn yvir vatnið. Vavsturin av sandi, smásteinum, skelj um frá havinum og lívrunnum tilfari frá landi datt sum fráleið niður á botn í vatn inum aftur. Oman á hesum eyðkenda tsunami-tilfarinum liggja upp til nakrir metrar av vanligari vatnmóru, sum eru botnfallin hesi farnu
7.200 árini.
———-
Lesari hevur sent okkum hetta innslagið , ið vísur eina data-animasjón av tí tsunamiðuni.
(Matematisk avdeiling, universitetið í Oslo) hevur gjørt animasjónina.
Trýst her
