Í næstum verður lógaruppskot um broyting av hjúnabandslógini borið í løgtingið við tí fyri eyga at javnseta samkynd við hinskynd í borgarligari vígslu. Hetta er eitt mál, sum seinastu tíðina veruliga hevur kritað politiska víðvøllin upp.
Í næstum verður lógaruppskot um broyting av hjúnabandslógini borið í løgtingið við tí fyri eyga at javnseta samkynd við hinskynd í borgarligari vígslu. Hetta er eitt mál, sum seinastu tíðina veruliga hevur kritað politiska víðvøllin upp.
Møguleikin fyri borgarligari vígslu fyri tvey av sama kyni er ein náttúrlig menning og styrking av núverandi hjúnabandsskipan. Tað er eftir okkara tykki týdningarmikið, at vit miða eftir, at javnseta allar borgarar. Vit halda, at vit við hesari lógarbroyting veita eina tiltrongda viðurkenning av rættindunum hjá samkyndum eisini at skipa síni familjuviðurskifti eftir egnari sannføring.
Málið er í flest øllum flokkum politikarum frítstillað at atkvøða um – hvørt teir eru fyri ella ímóti. Vit vilja heita á tykkum, kæra løgting, at síggja burtur frá øðrum politiskum ósemjum og atkvøða fyri hesum uppskoti. At atkvøða fyri at geva samkyndum møguleikan at skipa seg í borgarligt hjúnaband eins og øll onnur. Til tykkum løgtingslimir, sum ivast hava vit aftur eina áheitan: latið ivan koma einum undirumboðaðum samfelagsbólki til góðar.
Bjarni Kárason Petersen
Unga Tjóðveldið
Ungmannafelagið Samband
Guðrun Durhuus
