Í 2011 valdi ”makrelsamgongan” at selja 20.000 tons av makreltilfeinginum á uppboðsølu. So at siga alt endaði hjá feløgum sum høvdu útlendskar bakmenn ella eigarar. Varð alt makreltilfeingið selt á uppboðsøluni hetta árið, var 60% av samlaða avreiðingarvirðinum endað sum gjald til landskassan – áðrenn skipini kundu fara til fiskiskap
Í 2011 valdi ”makrelsamgongan” at selja 20.000 tons av makreltilfeinginum á uppboðsølu. So at siga alt endaði hjá feløgum sum høvdu útlendskar bakmenn ella eigarar. Varð alt makreltilfeingið selt á uppboðsøluni hetta árið, var 60% av samlaða avreiðingarvirðinum endað sum gjald til landskassan – áðrenn skipini kundu fara til fiskiskap
Úr fiskimálaráðnum varð sagt, at politiskt ynskti man onga eftirmeting av uppboðsøluni í 2011 og tí er eingin slík gjørd, men sambært tølum frá VØRN hevði uppboðsølan verið eina katastrofa fyri vinnuna um alt makreltilfeingið varð selt.
93% av tilfeinginum sum varð bjóðað út til almenna sølu var keypt av feløgum við útlendskum tilknýti ella eigarum.
Harafturat hevði vinnan verið noydd at rindað 60% av samlaða avreiðingarvirðinum til landskassan áðrenn skipini kundu farið til fiskiskap.
DØMI:
Makrelveiða, uppboðsøla og avreiðingarvirði 2011:
Christian í Grótinum avreiddi fyri tilsamans kr.17.327.547
Norðborg avreiddi fyri tilsamans kr. 86.061.382
Hetta gevur tilsamans kr. 103.388.929,-
Christian í Grótinum og Norðborg fiskaðu tilsamans 11.865.014 kg
Um skipini skuldu keypt rættin at veiða umvegis uppboðsøluna(vit brúktu miðalsøluprísin á uppboðsøluni 3,65 pr.kg), so skuldu Norðborg og Christian í Grótinum rindað landinum kr. 43.188.650,99 áðrenn skipini sluppu til fiskiskap.
Brúka vit sama prís, sum eitt nú Næraberg keypti fyri á uppboðssøluni (kr. 4,79 pr.kg. ), sum ikki var dýrasti keypsprísurin.
So skuldu Christian í Grótinum og Norðborg rindað landskassanum tilsamans kr. 56.833.417,06 áðrenn skipini sluppu til fiskiskap.
Landskassin hevði sostatt farið avstað við umleið 60% av samlaða avreiðingar virðinum, hjá Norðborg og Christian í Grótinum.
Eingin ivi um at stóra inntøkan hjá landskassanum hevði verið stokkutur hitið hjá føroyska samfelagsbúskapinum.
