Karl Birgir Isaksen er ein av monnunum handan Føroya Sjómannadag, og hann heldur, at tað eru nógvir sjómenn, ið hava uppiborið heiður
Eftir at Norðlýsið skrivaði um at heiðra sjógarpar, hava vit fingið nógvar reaktiónir. Formaðurin í Føroya Fiskimannafelag tók undir við hugskotinum, og eisini ein av fyrireikarunum av Føroya Sjómannadegi heldur væl um hugskotið.
Karl Birgir Isaksen sigur við Norðlýsið, at Føroya Sjómannadagur gott kundi hýst eini slíkari heiðran.
– Tað skulu bara fólk seta seg saman, vit, Norðlýsið, reiðarí og manningarfeløg um at finna eina hóskandi mannagongd, upplýsir Karl Birgir Isaksen.
