Almanna- og Mentamálaráðið hevur ógildað uppsøgnina av Mildrid á Lógv, leiðara á Skálagarði, og hevur álagt Almannaverkinum at taka málið upp til nýggja viðgerð.
Stutt fyri jól var Almanna- og Mentamálaráðið liðugt at viðgera kæruna um uppsøgnina av Mildrið á Lógv. Hon varð søgd úr starvi 1. mai. Málið bleiv kært, og nú er uppsøgnin so ógildað, visti Dagur og vika at siga í kvøld.
Víðari varð sagt, at Edvard Heen, stjóri í Almannaverkinum, nú fer at seta seg í samband við Almanna- og Mentamálaráðið at vita, hvussu farast skal fram. Sostatt er seinasta orðið ikki sagt í málinum.
