Útlendingarnir fáa reyðu kortini

Skriva hevur:

Jákup Ósá

14/05/2015 – 01:48

18 reyð kort eru komin í landskappingini higartil í ár. Útlendingarnir fáa lutfalsliga nógv fleiri reyð kort enn føroyingarnir.

18 reyð kort eru komin í landskappingini higartil í ár.

Uppgerð vísir, at higartil í ár hava 24 útlendingar spælt við í Effodeildini, um vit seta markið til at hava spælt 400 minuttir. Tað umfatar eisini nærum allar útlendingar, sum hava sáttmálar í feløgunum. 99 føroyingar hava spælt 400 minuttir ella meir. Sostatt eru 123 leikarar, sum hava spælt meir enn 40 minuttir, har útlendingarnir eiga 19,5 % av hesum leikarum, meðan føroyingarnir eiga 80 % av hesum leikarunum. Men hetta býtið sást ikki aftur, tá vit hyggja eftir, hvørjir leikarar fáa tey reyðu kortini í Effodeildini.

Tí av teimum 18 reyðu kortunum, sum eru givin í Effodeildini í ár, so hava útlendingarnir fingið 9 av teimum ella 50 %. So kann ein spyrja, um tað eru útlendingarnir, sum duga ov illa at tilpassa seg til markið fyri at fáa reytt kort í Effodeildini ella um teir vera harðari dømdir enn føroyingarnir? Tað eru helst ymiskar meiningar um, men í øllum førum er áhugavert at síggja stóra munin. Niðanfyri kunnu útgreiningarnir av hesum úrslitunum síggjast. Keldan er FaroeSoccer.

Útlendingar í landskappingini við fleiri enn 400 minuttum:

Lukasz Cieslewicz (B36)

Ibrahima Camara (B36)

Alex dos Santos (HB)

Geza Turi (Víkingur)

Filip Djordjevic (Víkingur)

Mayowa Alli (KÍ)

Jonas F. Rasmussen (KÍ)

Ndende A. Guéye (KÍ)

Evrard Blé (KÍ)

Kenan Hajdarevic (KÍ)

András Gangó (NSì)