Veðrið var av tí allarbesta, tá Treysti fyri 17. ferð skipaði fyri Føroya Bjór renning, leygardagin á Norðoyastevnu. Luttøkan varð eisini sera góð í ár, og vóru tað íalt 120 vaksin og børn ið runnu.
Har vóru rennarar í øllum aldri. Teir yngstu føddir í 2008 og tann elsti føddur í 1934. Ein rúgva av áskoðarum vóru eisini møttir fyri at hyggja og stuðla.
Hjá teimum vaksnu var eisini talan um 1. Grand Prix, sum verður fyriskipað á stevnunum í summar. Íalt verður talan um sjey Grand Prix renningar.
Næsta umfar i Grand Prix verður á Sundalagsstevnuni í Hvalvík næsta vikuskifti.
Eyðna Gaard fødd í 2008 og Sámal Júst Ziska Dahl føddur í 1934 luttóku bæði
Vinnarar hjá monnum og kvinnunum blivu Marnar Djurhuus og Rebekka Fuglø úr Treysti.
Marnar Djurhuus kemur á mál. Rebekka Fuglø rann sín besta 5 km nakrantíð
Myndir, sum Jóannes Poulsen tók fyri Treysti, eru at finna her.
Øll úrslitini eru niðanfyri.
