Stór fuglavað vóru at síggja út eftir Vágni í Klaksvík í gjárkvøldið. Eg var ein túr á Biskupsstøðbrúnni, har var alt á kóki og fuglurin royndi at fáa sær burturav sildini íð kastaði seg har. Við Stangabrúnna, Varpabrúnna og á Kósini var tað sama at síggja.
Hjaltur Poulsen hevði sett eitt sigldgarn, tað var fult av sild í morgun, so nú er sild í kørunum úti í Klaksvík. Tá náttarmyrkrið og friður kom á Vágna sást nógvur állur og nógv reyðæti inni við brúgvarnar. Vit hava fingið eitt videobrot og mynd frá Hjalta Poulsen av ormi og reyðæti:
