Hóast góðveður og turkur í næstan tveir mánaðar eru vatngoymslurnar hjá Klaksvíkar Kommunu fullar
Jóhan við Nest leiðari á vatndeildini hjá Klaksvíkar Kommunu, sigur at í 2006 byrjaðu teir at gerða støðir kring um í býnum – sum redusera vatntrýsti – og tí brúkar býurin munandi minni av vatni enn áðrenn hetta var gjørt.
– Landslagið í Kommununi er soleiðis, at stórur hæddarmunur er frá ovastu húsunum og oman til tey, sum liggja nirri í býnum.
– Úrslitið er at eisini stórur munur hevur verið á vatntrýstinum og stór økir í býnum hava havt eitt alt ov stórt vatntrýst.
– Tí var farið undir at gera sokallaðar – reduktiónsstøðir – og tær gera stóran mun – tí samlaða vatnnýtslan fyri eitt ár er minkað við tí, sum svarar til ein mánaða.
– Nú kunnu vit eisini redusera trýsti enn meira, um tað gerst neyðugt, og tað minkar mundandi um vatnnýtsluna.
– Men sjálvandi – goymslurnar eru ikki óavmarkaðar – so um turkurin heldur fram í longri tíð – so verða vit noydd at seta tiltøk í verk.
Sambært leiðaranum á Vatndeildini eru vatngoymslurnar í løtuni á tremur.
