Tað kann fara at vísa seg, at Newcastle í summar hevur gjørt tvey av teimum bestu keypunum í Premier League. Sí video.
Sí videobrot av tveimum av mest spennandi keypunum í premier League í summar.
Newcastle hevur í summar styrkt um hópin. 24 ára gamli PSV liðskiparin Georginio Wijnaldum er keyptur fyri 14,5 milliónir pund. Hann er álopskendur miðvallarleikari og hevur spælt 19 landsdystir fyri Holland. Seinasta kappingarár skoraði hann 18 mál í 42 dystum fyri PSV, ið vann meistaraheitið.
Til álopið hevur Newcastle keypt 20 ára gamla Aleksandar Mitrovic frá Anderlecht fyri 13 milliónir pund. Mitrovic er frá Serbia og hevur spælt 13 landsdystir. Hóast hann einans er 20 ára gamal, so hevur hann longu skorað 69 mál í 158 dystum fyri feløgini Anderlecht, Partizan og Teleoptik. Seinasta kappingarár skoraði hann 28 mál í 51 dystum fyri Anderlecht.
Sí video niðanfyri av hesum báðum spennandi keypunum hjá Newcastle.
