NSÍ royndi seg við alternativum taktikki í Sarpugerði í morgun.
NSÍ royndi seg við alternativum taktikki í Sarpugerði í morgun.
Dysturin millum nummar 2 og 3 í fjør endaði við stórsigri til NSÍ, ið annars hevði tað sera trupult móti júst Víkingi í fjør. NSÍ vann heili 5-1 við málum frá Petur Knudsen (2), Per Langaard, Pól Jóhannus Justinussen og Árna Frederiksberg, meðan Magnus Jarnskor skoraði málið hjá Víkingi, ið eisini var tað seinasta í dystinum.
Víkingur spældi í eini 4-2-3-1 leikskipan við hesi uppstillingini: Elias Rasmussen – Gert Hansen, Atli Gregersen, Erling Jacobsen, Hanus Jacobsen – Hans Jørgen Djurhuus, Sølvi Vatnhamar – Heðin Hansen, Jobin Drangastein, Hans Pauli Samuelsen – Andreas Lava Olsen. Í seinna hálvleiki komu Geza Turi, Sámal Jákup Joensen og Magnus Jarnskor á vøllin.
NSÍ spældi ein alternativan taktikk undir nýggja danska venjaranum Anders Gerber. Hon kann kallast bæði 5-4-1 ella 3-2-2-2-1. Símun Rógvi Hansen – Jóhan Jacobsen, Per Langaard, Jens Joensen – Jonleif Højgaard, Magnus H. Olsen, Petur Knudsen, Einar Tróndargjógv – Árni Frederiksberg, Klæmint A. Olsen, Pól Jóhannus Justinussen. Seinni komu Jannik Olsen, Monrah H. Jacobsen, Mouritz Mortensen og Aron knudsen á vøllin.
