Bæði liðini hava etið seg inná KÍ við sera sannførandi úrslitum eftir summarsteðgin.
Tað rennur saman í oddastríðnum í Effodeildini, har trý lið nú liggja nærum stavn um stavn. Tað hava tey eisini gjørt fyrr í ár, men beint undan summarsteðginum fekk KÍ eina leiðslu á 7 stig, sum tó fór niður á 4 stig beinanvegin eftir summarsteðgin, tá KÍ tapti móti ÍF.
6 umfør eru spæld eftir summarsteðgin og tað eru Víkingur og NSÍ, sum hava fingið tey bestu úrslitini. Víkingur hevur vunnið allar dystirnar, meðan NSÍ bara hevur sett stig til í eina dystinum, tá liðið spældi javnt móti HB. So hóast KÍ hevur vunnið 4 av 6 dystum eftir summarsteðgin, so eru treytirnar í toppstríðnum so harðar, at liðið hevur mist í mun til kappingarneytarnar í toppstríðnum.
Stigatalvan eftir summarsteðgin sær soleiðis út:
18 stig: Víkingur
16 stig: NSÍ
15 stig: B36
12 stig: KÍ
10 stig: HB
9 stig: TB
6 stig: ÍF
3 stig: AB
0 stig: Skála og B68
