Fyrr í mánaðinum varð FM í frælsum ítrótti fyri ung hildið á Tórsbreyt í Havn. Treysti hevði níggju íðkarar við í kappingini, og komu tey aftur við heili 28 heiðursmerkjum, harav 16 gull, 9 silvur og 3 bronsu.
Av tí at seks til átta kappingargreinar í ymiskum aldursbólkum skulu avgreiðast, verður kappast í tveir dagar. Veðurumstøðurnar vóru ikki av teimum bestu og blivu allar kappingar útsettar 2 tímar leygardagin, vegna storm fyrrapartin. Sunnudagurin royndist heldur frægari við veðrinum.
Tey ungu sum umboðaðu Treysti vóru: Julian Gregersen, Elin K. Ryan, Hans Sivertsen, Oddvør Josephsen, Óluva A. Joensen, Maria Biskopstø, Birita Ryan, Maria Josephsen og Vibeka Sivertsen.
Kappingarnar á breyt eru lidnar fyri í ár og hava tey fingið nøkur avbera góð úrslit bæði heima og úti í heimi. Ungu íðkararnir hava nú frí frá frælsum ítrótti í nakrar vikur áðrenn venjingarnar til komandi ár byrja aftur.
Myndirnar hevur Bjørg Svabo tikið og finnast fleiri myndir á www.hvirlan.fo
