Miðlahúsið, Kringvarpið og Norðurlandahúsið skipaðu um vikuskiftið fyri FMA. Í harðari kappin við Bendar Spónir og Eivør Pállsdóttir í OPNA BÓLKINUM gjørdist Kvartettin í Betesda \”Ársins einleikari ella bólkur\”.
Miðlahúsið, Kringvarpið og Norðurlandahúsið skipaðu um vikuskiftið fyri FMA. Í harðari kappin við Bendar Spónir og Eivør Pállsdóttir í OPNA BÓLKINUM gjørdist Kvartettin í Betesda “Ársins einleikari ella bólkur”.
Eyðun Jacobsen var í Norðurlandahúsinum og tók móti heiðursmerkinum vegna kvartettina, og sunnukvøldið varð felagsmyndin tikin í Betesda av stoltu vinnarunum.
Kvartettin byrjaði at syngja í 1968, og teir fimm Gerhard Tróndheim, Árni Jacobsen, Oddmar Marsten, Steinbjørn O. Jacobsen og Sámal Johannesen vóru sera fegnir um heiðurin.
Í 2013 gav kvartettin út fløguna “Dýrdarlandið”, sum var upptikin í Nashville í USA, og fløgan var sera væl móttikin. Higartil eru seld meira enn 2000 eintøk, og man heiðursplássið í FMA-kappingini vera tekin um, at fløgan er væl dámd – hóast hon ikki hevur fingið nógv rúm í Kringvarpi Føroya.
