Um vit hyggja í stigum fyri fyrstu 13 umførini, so er talan um næstbesta árið hjá Víkingi, síðani felagið í 2008 fyri fyrstu ferð spældi sum eitt felagslið.
Víkingur liggur á 2. plássi í Effodeildini, men kann sunnudagin taka oddasessin, um liðið vinnur í Klaksvík. Talan er higartil um eitt av teimum heilt góðu árunum hjá Víkingi. Liðið er enn einaferð ávegis í steypafinaluna, meðan tað í landskappingini hevur hilnast betri enn leingi, um vit hugsa stig. Tí 28 stig í 13 dystum er tað næstmesta hjá felagnum nakrantíð. Í 2011 hevði Víkingur 29 stig fyri 13 umfør, og tað var tað mesta nakrantíð. Víkingur spældi fyri fyrstu ferð í bestu deildini í 2008. Hetta árið í 2011 fekk Víkingur 59 stig, sum er tað mesta í søgu felagsins og eitt stigatal, sum fleiri ferðir hevur rokkið til Fm, men sum í 2011 bara rakk til 3. pláss.
Stig hjá Víkingi eftir 13 umfør:
2016: 28
2015: 21
2014: 22
2013: 16
2012: 25
2011: 29
2010: 17
2009: 24
2008: 18
Sunnudagin kl. 15.00 spæla KÍ og Víkingur toppdyst í Klaksvík.
