Leygardagin 3. oktober bjóðar Betesdakórið øllum til 100 ára føðingardagshald í Betesda í Klaksvík. Kórið varð stovnað 1. oktober 1926 við 23 sangarum og hevur virkað uttan steðg síðani.
Eliesar Poulsen, ein av undangongumonnunum, lýsti endamálið við orðunum: „Orð Guds var málið.“ Tað er framvegis málið hjá kórinum, har bæði ung og eldri syngja.
Haldið byrjar klokkan 17 við minnum, práti og hugna. Klokkan 18 verður sangur og søga, klokkan 18.30 lagkøka og kaffi, og klokkan 19 verður hátíðarløta við Betesdakórinum.
Øll eru vælkomin, boðar kórið frá.
