Ársins leiðari er tignarligasti heiðurin, ein leiðari í Føroyum kann fáa. Júst hvør fer avstað við heiðrinum í 2017, verður avdúkað fríggjadagin 27. januar kl. 16.00 á leiðaradegnum á Hotel Føroyum.
Kjósanin verður víst LIVE á facebook síðuni hjá Synergi.
TOPP 3 kandidatar til Ársins leiðarar 2017
Dómsnevndin, sum tekur endaliga avgerð um, hvørjir Ársins leiðarar 2017 verða, hevur nú funnið fram til 3 sterkar topp-kandidatar.
3 innan tað privata og 3 innan tað almenna – kandidatarnir eru hesir:
Topp 3 kandidatar innan tað almenna
Edvard Heen, Almannaverkið
Hedvig Johansdóttir, Dugni
Hilmar Eliasen, Strandfaraskip Landsins
Topp 3 kandidatar innan tað privata
Frimodt Rasmussen, Klaksvíkar sleipistøð
Johannes Jensen, Gist og Vist
Rógvi Róin, Petur Larsen
Dómsnevndin
Í dómsnevndini sita Annika Sølvará, stjóri í Granskingarráðnum, Johanna á Bergi, stjóri í Atlantsflog og Eyðun Mørkøre, stjóri á TAKS. Limirnir sita í dómsnevndini í 2 ár.
Tema á degnum: Samráðing – Soleiðis fært tú succés í komandi samráðingum
Samráðing í orðsins breiðasta týdningi er tema á Leiðaradegnum 27. januar. Í veruleikanum so er onkur formur fyri samráðing í øllum samskifti millum fólk. Samráðing er ikki nakað sum gongur fyri seg millum 8-16, tað er ongantíð stongt og ongin kaffipausa. Sjálvt tað at taka persónligar avgerðir, kemur undir kategoriina at samráðast – tá samráðist tú bara við teg sjálva/n.
Skráin fyri dagin sæst HER!
Les alt um Leiðaradagin á www.leidaradagurin.fo
Tilmeldingarfreistin til Leiðaradagin er mikudagin 25. januar.
