Íslendski forsætismálaráðharrin hevur biðið forsetan um at skriva út val, men forsetin hevur fyribils ikki vilja fylgt hesum boðunum. Hann hevur ístaðin kallað politisku flokkarnar á fund, fyri at viðgera støðuna.
Sigmundur Davíð Gunnlaugsson, forsætismálaráðharri, segði fyrr í dag, at hann fór at mæla til nýval, um hann ikki fekk stuðul frá hinum stjórnarflokkinum til at verða sitandi í sessinum.
Stórt trýst hevur verið á forsætirmálaráðharran síðani skjøl lóku út sum vístu, at hann hevur havt samband við eina advokatskrivstovu í Panama, ið hjálpir við skattasviki.
