Vit hava verið úti til eini 5, 6 skaðar, men onki alvorligt, sigur Finn Hansen sløkkiliðsleiðari við Norðlýsið
Tað hevur verið rættuliga nógvur vindur í Klaksvík í dag. Hvirlurnar hava rykt í húsini. Vit hava vent okkum til Finn Hansen, sløkkiliðsleiðara at frætta
Onkur rútur er farin, ein viðfestisvognur var koppaður og vit hava fest onkra takplátu, sigur Finn Hansen.
Okkara veðurmaður, Hanus Kjølbro, hevur sagt at vindurin skal minka út á kvøldi og fram móti midnátt.
Annars frætta vit frá fólki, at rættuligur grús-stormur stendst av ógvusligu hvirlunum uppi á Fossum, har nýggja útstykkingin verður gjørd. Hetta hevur haft skaðar við sær, siga fólk við Norðlýsið.
