Norðoya Bú- og Heimatænasta søkir eftir frítíðaravloysarum til summarið
Brennur tú fyri at skapa góð og virðilig kor fyri tann eldra borgaran, so er tað kanska tær, vit sóknast eftir.
Norðoya Bú- og Heimatænasta (NBH) sóknast eftir summarfrítíðaravloysarum fyri sjúkrarøktarfrøðingar, heilsurøktarar og heilsuhjálparar til Heimatænastuna og allar búeindirnar, sum eru Norðoya Røktarheim, Heimið við Vágna, Sambýlið í Bøgøtu, Sambýlið á Heygnum og Norðoya Ellis- og Vistarheim.
Høvuðsuppgávan hjá starvsfólkunum tekur støði í visjónini hjá NBH, sum er:
- NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
- NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
- Fyritreytin er eitt hugvekjandi øki, sum er grundað á álit, høgt fakligt støði og virðing.
Arbeitt verður í skiftandi vaktum og vikuskiftum.
Førleikakrøv til størvini
- Útbúgving svarandi til fakbólkarnar, lýst verður eftir
- Áhuga í at arbeiða við eldri borgarum
- Góð samstarvsevni
- KT-førleika á brúkarastøði
Vit kunnu bjóða
- Stórar fakligar avbjóðingar
- Eitt spennandi og sjálvstøðugt starv
- Gott samstarv við onnur fakfólk
Lønar- og setanartreytir
Lønar- og setanartreytir eru sambært galdandi sáttmála.
Nærri kunning um størvini fæst við at venda sær skrivstovuna hjá NBH, á tlf. 410000, yrkadagar millum kl 10-16 ella við telduposti til nbh@nbh.fo.
Umsókn, við avritum av prógvum v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.
Umsóknarfreistin til størvini er á middegi, mánadagin 20. mars 2017.
