Softice, livandi tónleikur og felagssangur vóru á skrá í dag tá Dagtilhaldið Sóljan hevði afturvendandi summarhugnan. Vit vóru við og fingu nakrar myndir – og ein ís 🙂
Dagtilhaldið Sóljan er dagtilhald fyri heimabúgvandi fólkapensjónistar í Norðoyggjum. Virksemið er fjølbroytt og fevnir m.a. um felagssang, binding, borðspøl sum popp og lættar fimleika rørslur.
Í dag var summarhugni á skrá. Óføru menninir á vegadeildini hjá Klaksvíkar kommunu lótu ikki tvey gerast trý, tá teir vórðu spurdir um teir kundu hjálpa til, at stilla nøkur borð upp uttanfyri Sóljuna.
Eisini vitjaðu búfólk frá dagtilhaldinum á Búðatrøð. Búðatrøð er dagtilhald fyri heimabúgvandi borgarar í Norðoyggjum, sum hava fingið staðfest eina demenssjúku.
Ein deilig løta.
