EB/Streymur breiðkar hópin
EB/Streymur væntast at gera sáttmálar við fleiri nýggjar leikarar í næstum.
EB/Streymur fer í næstum væntandi at kunngera fleiri nýggjar leikarar.
EB/Streymur hevur styrkt seg við trimum leikarum - Ari Ó. Ellingsgaard, Gestur B. Dam og Hans Pauli Samuelsen, meðan fimm leikarar eru farnir - Dan í Soylu, Trygvi Askham, Sjúrður Jacobsen, Ari M. Olsen og Árni G. Olsen.
Men tað kann væntast, at fleiri leikarar leggjast afturat. Fyrr í vetur hava vit skriva um, at Marni Djurhuus aftur verður at síggja í hópinum. Og nú ljóðar sambært keldum, at minst tveir aðrir leikarar fara at gera avtalur í næstum. 19 ára gamli Eli Christiansson kemur frá B36, har hann hevur spælt á næstbesta liðnum, meðan Oddur Á. Højgaard kemur frá B68. Oddur hevur nógvar royndir í bestu deildini við B68, men hevur spælt lítið seinastu árini í Føroyum, tí hann hevur verið nógv uttanlands.
EB/Streymur endaði í ár á 7. plássi við 32 stigum.