Beint áðrenn middag skrivaðið kanningarstjórin soleiðis til Norðlýsið:

- Eg havi nú fingið fráboðan um, at Fiskimálaráðið vil endurskoða trúnaðarfrámerkingina av skjølunum, men at hetta ikki verður liðugt áðrenn avhoyringina í dag. So skjótt eg havi fingið afturboðan frá Fiskimálaráðnum, um hvørji skjøl framhaldandi eru trúnaðarfrámerkt, kann eg taka støðu til um tað ber til, at áhoyrarar kunnu sleppa við til avhoyringarnar av landsstýrismanninum í Fiskivinnumálum og løgmanni. 

Aðalstjóri gevur frágreiðing aftan stongdar dyr

Sambært kanningarstjóranum verður aðalstjórin í Fiskimálaráðnum avhoyrdur í dag, men tað verður aftan stongdar dyr, tí Fiskimálaráðið klarar ikki at endurskoða trúnaðarskjølini áðrenn avhoyringarnar í dag:

- Í dag er tað Rógvi Reinert, aðalstjóri, sum verður avhoyrdur. Tey sum eru avhoyrd eru Andras Kristiansen, Jens Helgi Toftum, Rúna Guttesen og Elmar Højgaard.

Sostatt hevur kanningarstjórin avhoyrt øll tey mest týðandi embætisfólkini undir fiskimálaráðnum aftan stongdar dyr og uttan nakra almenna kunning.