Landsapotekarin heldur fast um avgerð at nokta innlit
Í brævið til Norðlýsið tann 22. januar í ár ger Landsapotekarin greitt, at hóast niðurstøðuna hjá Løgtingsins Umboðsmanni og vitandi um kunngerð hjá landsstýrismanninum í Vinnumálum, heldur hann fast við at nýtslan av evnafrøðiligum evnum framvegis er eitt mál millum Apotelksverkið og alivinnuna. Talan er um eitt mál sum er millum Apoteksverkið og viðskiftafólk hjá Apoteksverkinum, sum almenningurin tí ikki fær innlit í.
- Eg havi ikki broytt meining og vil tískil ikki útvega nakrar upplýsingar um nøgd av heilivági útflýggja á spesifikka lokatión hjá okkara viðskiftafólkum. Tygum hava fingið upplýsingar um samlaða nýtslu hjá alifyritøkum tilskila samla nøgd av heilivágssløgum. Nýggja kunngerðin áleggur ikki apotekinum at útvega nakrar upplýsingar um okkara útflýggja á einkulta aliøki og nummar á ringu, skrivar Hjalti Gunnarstein, Landsapotekari m.a.
Heilsumálaráðið noktaði eisini at fylgja áheitan frá Løgtingsins Umboðsmanni, við tí grundgeving at alivinnan, sæmbært alivinnuni sjálvari, kundi verða fyri fíggjarligum tapi um almenningurin fekk innlit í hvussu stórar nøgdir av evnafrøðiligum evnum tey einstøku alibrúkini høvdu latið út í einstøku føroysku firðirnar.
Landstýriskvinnan í Heilsumálum, Sirið Steenberg hevur verið fult kunnað um málstilgondina eins og almenningurin seinastu trý árini, men hevur ikki rætt hond frá síðu, hóast vallyftir um fult gjøgnumskygni o.so.fr….