Barbara er 57 ára gomul, útbúgving sum cand.scient.adm. ella fyrisitingarfrøðingur frá Roskilde Universitetscenter og hevur eina masterútbúgving í Etik og Virðum í organisatiónum frá Aarhus Universitet.

Barbara hevur millum annað starvast sum deildarstjóri á Løgmansskrivstovuni, sum blaðstjóri á Kvinnu og sum nevndarskrivari, leiðsluráðgevi og marknaðarleiðari hjá Tryggingarfelagnum Føroyum og Betri Pensjón. Harumframt hevur hon verið forkvinna í Ráðnum fyri brekað í 10 ár.

Barbara á Tjaldrafløtti byrjar í starvinum tann 1. mai 2018.

...................

Um etiska ráðið 
Endamálið við Etiska ráðnum er at fremja og styrkja kjak og vitan um etiskar spurningar, sum knýta seg til nýtsluna av bio- og ílegutøkni, sum hava ávirkan á lívið hjá menniskjum.

Ráðið kann harumframt fremja og styrkja kjak um aðrar almennar og prinsipiellar etiskar spurningar, sum knýta seg til heilsufakliga virksemið á heilsu-, almanna- og kommunaløkjunum.

Etiska ráðið hevur skyldu at fylgja menningini á tí bio- og ílegutøkniska økinum og hevur til uppgávu at ráðgeva í etiskum spurningum viðvíkjandi gransking í og nýtslu av bio- og ílegutøkni.