KÍ – Zalgiris í lítlum vindi
Í morgin leikar KÍ fyrra dystin ímóti Zalgiris á ovara vølli í Gundadali. Veðrið hevur nokkso nógv at siga, og hyggjandi eftir veðurkortum hetta til annaðkvøld, so fer ættin at vera ímillum landsynning og sunnan í dag. Vindferðin lítil – um teir 5 metrarnar um sekundið.
Í nátt fer ættin at skifta ímillum útsynning og vestan, og soleiðis verður allan fyrrapartin og seinnapartin og tíðliga um kvøldið, meðan dysturin er.
Vindurin er ætlandi ikki nógvur, meðan dysturin er, 5 m/s ella minni.
Einki brúgvalag kemur framvið í morgin, men luftin, sum kemur vestaneftir, er slavin, bert eitt lítið lyft skal til fyri at fáa úrdrátt.
So veðurforsøgnin fyri dystin í annaðkvøld eru, at tað verður 3 til 5 m/s úr útsynningi-vestri, skýggjað og møguliga løtur við sirmi. Hitin fer at liggja um 10 – 12 stig.