Føroyaflokkurin: Undirskriftirnar verða fingnar til vega í summar
Higartil hava vit fingið 300 undirskriftir og nú resta 500 stemmir í, so kunnu vit stovnað Føroyaflokkin, sigur Hjalmar Zachariassen stigtakari
Norðlýsið hevur vent sær til Hjalmar Zachariasen at frætta hvussu tað gongur við ætlanunum at stovna nýggja flokkin. Merkisvert hevur verið at fólkini handan flokkin hava verið so lítið at hoyrt, lisið og sæð í miðlunum.
- Vit hava haft undirskriftsskjøl í ymsum handlum í Norðoyggjum og Eysturoynni. Vit hava fingið 300 undirskriftir og nú resta 500 í. Vit fara at fáa hesar tað sum eftir er av summarinum, sigur Hjalmar.
- Eg havi feriu nú og kann tí hugsavna meg um at fáa undirskriftirnar. Vit fara at ganga ímillum fólk á mongu og stóru summartiltøkunum, fólk eru sera positiv um okkara ætlanir. Vit hava ein bólk á facebook, har eru 400, ið fyljga okkum og talið økist javnt og savnt, sigur Hjalmar.