Lýsing
Lýsing
Lýsing
Karl Johansen er sýslumaður í Norðoyggjum

Sýslumaðurin: - Dagførið grindalistarnar

SKRIVAÐ: Jóhann Lützen  |  21.07.2018 - 10:48 Mentan Tíðindi

Tað áliggur formonnunum fyri ymsu grindabátunum at halda listarnar ajour. Tað er ov seint at gera tað, tá grindin er deyð. Vit fara at leggja grindalistarnar á heimasíðuna hjá Norðlýsinum í næstum, sigur Karl Johansen sýslumaður

Hetta er tíðin tá grindaboðini koma og tá heimapartar skulu býtast, ja, so gongur telefonin hjá sýslumanninum heit. Fólk vilja vita um tey eru uppi á listanum ella bátinum, sum tey hoyra til. 

Í Norðoyggjum hevur hendan skipanin nógv ár á baki. Ymsu bátarnir hava ein ella fleiri formenn, hvørs ábyrgd tað er at halda listarnar dagførdar, sum sýslumaðurin síðani býtur heimapartarnar eftir. Fólk doyggja, nýggj koma til, fólk flyta úr og til Klaksvík, so tað er eitt ávist skrásetingararbeiði at gera. Formenninir ringja runt at frætta um talið í húsarhaldinum og at enda verður listin latin sýslumanninum. 

- Vit uppliva at tá grindin er deyð, so fara telefonirnar hjá okkum at kima. Fólk vilja vita hvørjum lista tey eru á, spurningarnir eru nógvir. Vit hava ríkiligt um at verða annars, við at fáa grindina til høldar, so eg vil heita á formenninar at dagføra grindalistarnar, sigur Karl Johansen. 

- Vit fara at leggja grindalistarnar á heimasíðuna hjá Norðlýsinum í næstum. Hetta vil lætta um og skunda undir at listarnir verða ajourførdir regluliga, sigur Karl Johansen. 

 

 

 

Lýsing
Seinastu tíðindini
Lívið er tann størsta gávan, sum er og n…
Vísindavøka á ferð á Sands Bókasavni í k…
Bólkur 5A hevur 916 dagar eftir
MEGD fær nýggja forkvinnu
Fyrileystrar í Finsen Tórshavn
Føroyska seyða­hundalands­liðið kappast í…
VB: Vit vilja seta trygdina fremst
Alt sprettur úr hugsjón­ini um umsorgan,…
Ongin spenningur um FM - Tíðin er komin…
Sjógvpumpu­skipan til Elverkið á Strond (…
Tøkk – Ægir 50 ár
Áskoðaraskýlið á Svangaskarði
Tey venja leik í Spinnarínum
Innangarðsútskiftingin í Haraldssundi
Heðin og Fríða vitja Norðlýsið
Starvs­fólk til Blómugarð á Húsum
Vísindavøka á ferð á Sørvágs Bókasavni í…
Ólógligar loyndar sjúkuskráir – amboð a…
Stradivarius í Løkshøll og Hátún
Drama í Sambands­flokki­num