Video: KÍ á grúsi í 1987
Video: Norðlýsið hevur funnið nakrar dystir hjá KÍ í 1987, sum væl vísa broyttu umstøðurnar hjá føroyskum fótbólti.
Video: Norðlýsið hevur funnið nakrar dystir hjá KÍ í 1987, sum væl vísa broyttu umstøðurnar hjá føroyskum fótbólti.
Tað er í ítrótta sendingum hjá KVF (tá SVF), at vit hava funnið sendingar, har víst hevur verið frá dystum sama vikuskiftið, sum dystirnir hava verið leiktir. Vit eru her í 1987, tá KÍ endaði sum nummar 5 í bestu deildini. Hóast vit “bara” eru 33 ár afturi í tíðini, so eru umstøðurnar ikki til at kenna aftur. Eisini fótbókts reglarnir eru nógv broyttir, sum hesir dystirnir í 1987 væl vísa.
Hópurin í 1987 taldi leikarar sum Jógvan Linklett, Olgar Danielsen, Kurt Mørkøre, Finn Joensen, Bent Baldvinsson, Karl Marius Poulsen, Petur Andreasen, Lassin Isaksen, Petur Hans Joensen, Poul Erik Nielsen, Oddbjørn Joensen, Absalon Østerø, Jóannes Poulsen, Jonhard Olsen og Beinur Poulsen fyri at nevna teir, sum spældu mest hetta árið.
Vit lata videobrotið tala, har samandráttur frá trimum KÍ dystum – móti B68, LÍF og HB - kunnu síggjast. Dygdin er ikki tann besta, tí hetta er frá VHS bandi.