Lýsing
Lýsing

Heilsufrøðiliga Starvsstovan: Vandamikið evnið er neyvan skaðiligt fyri umhvørvi

SKRIVAÐ: John William Joensen  |  09.11.2015 - 14:13 Eldri tíðindi

Eingi lógarmørk eru fyri hvussu stórar nøgdir av vandamiklum evnum alarar kunnu brúka í samband við avlúsing , men Heilsufrøðiliga starvsstovan hevur í fleiri ár kanna heilivágsleivdir í laksinum og higartil hava hesar kanningar víst, at alt er í lagi.

Eingi lógarmørk eru fyri hvussu stórar nøgdir av vandamiklum evnum alarar kunnu brúka í samband við avlúsing , men Heilsufrøðiliga starvsstovan hevur í fleiri ár kanna heilivágsleivdir í laksinum og higartil hava hesar kanningar víst, at alt er í lagi.

Norðlýsið spurdi Heilsufrøðiligu Starvsstovuna um mark er fyri hvussu stórar nøgdir og nógv evniralarar kunnu brúka í samband við avlúsing.

Heilsufrøðiliga Starvsstovan svarar:

Viðvíkjandi marki fyri hvussu nógvur lúsaheilivágur kann brúkast, so er tað rætt, at landsdjóralæknin ella Heilsufrøðiliga starvsstovan ikki setur ávíst mark á nøgdina, sum verður brúkt. Tó eru avmarkingar. Tað er soleiðis, at einans skrásett lúsaevni kunnu nýtast. Lúsaevni kunnu einans fáast við resept, sum løggildur djóralækni / fiskaheilsulívfrøðingur útskrivar. Tann, sum útskrivar reseptina, skal taka atlit til heilsu og vælferð hjá laksinum, hvørt lýsnar eru mótstøðuførar móti ávísa evninum og til afturhaldstíðir, soleiðis at trygd er fyri, at heilivágsleivdir ikki eru í laksinum, sum verður etin.

Heilsufrøðiliga starvsstovan hevur kanningar fyri heilivágsleivdir í laksinum í fleiri ár og higartil hava hesar kanningar víst, at alt er í lagi.

Viðvíkjandi góðkenningum av lúsaevnum og øðrum heilivági, so er tað rætt sum tit skriva, at hesi verða góðkend í Skrásetingarráðnum. Skrásetingarráðið hevur ikki fígging til at seta egnar kanningar í verk. Grundarlagið undir einari skráseting eru hvørt tey eru loyvd í ES og harafturat metingar, gjørdar í øðrum londum, t.d. Statens Legemiddelverk i Noregi. Slíkar metingar byggja á matvørutrygd og umhvørvisárin. Serkøn á økinum í Føroyum kunnu eisini venda sær til Skrásetingarráðið, eitt nú djóralæknar og fiskaheilsulívfrøðingar. Eisini luttók partur Skrásetingarráðnum (landsapotekarin og landsdjóralæknin) í kanning, sum Umhvørvisstovan gjørdi herfyri um diflubenzuron: http://us.fo/Default.aspx?ID=13805&M=News&PID=31403&NewsID=5639

Hóast tað er greitt, at diflubenzuron ávirkar hummarar, vita vit ikki, um nýtslan av diflubenzuron í alibrúkum í Føroyum er so stór, at hon ávirkar hummarar í Føroyum. Nevnda kanning hjá Umhvørvisstovuni, vísti ikki leivdir av diflubenzuron í hummarunum. Men helst skulu fleiri kanningar til, fyri betri at lýsa støðuna við hummarum.

Í Skrásetingarráðnum eru vit ikki vitandi um at hydrogenperoxid hevur stórvegis ávirkan á umhvørvið. Sum tað stendur í greinini, so er hydrogenperoxid vandamikið fyri tey, sum handfara evnið. Áðrenn hydrogenperoxid verður latið í sjógvin, er tað í so stórari styrki, at tað er skaðiligt at fáa á húð og í eygu. Tí er neyðugt við verndarútgerð til tey sum arbeiða við hesum. Tá hydrogenperoxid er komið í sjógvin, er tað munandi tynt og verður harafturat heilt skjótt niðurbrotið til vatn og súrevni (ilt). Tann skjóta niðurbrótingin til óskaðilig evni ger, at eingin afturhaldstíð er fyri viðgerð við hydrogenperoxid.


LES EISINI: Eingi lógarkravd mørk fyri evnafrøðiligum evnum í samband við avlýsing av laksi

Lýsing
Seinastu tíðindini
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Requiem skírisdag í Varpinum
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald