Lýsing

Spyr enn einaferð um lønina hjá sjómonnum

SKRIVAÐ: Helgi Abrahamsen  |  09.11.2018 - 13:08 Lesarabrøv Politikkur Tíðindi Vinna

Helgi Abrahamsen, løgtingsmaður, roynir nú aftur at fáa svar frá Høgna Hoydal, landsstýrismanni, um lønarviðurskiftini hjá sjómonnum.

”Kann landsstýrismaðurin vátta, at einki fiskiloyvi er latið sambært løgtingslógini um fyrisiting av sjófeingi til nakran, sum ikki rindaði skipara og manning løn samsvarandi sáttmálum við føroysk manningarfeløg?” Tað spyr Helgi Abrahamsen, løgtingsmaður, Høgna Hoydal, landsstýrismann í einum § 52a fyrispurningi.

Í lógini um sjófeingi stendur í § 51 stk. 2, at árenn fiskiloyvi verður latið, skal tann, sum søkir um fiskiloyvi, vátta, at skipari og manning verða lønt samsvarandi sáttmálum við føroysk manningarfeløg.”

Helgi Abrahamsen hevur fyrr spurt Høgna Hoydal, um hann kundi vátta, at einki fiskiloyvi er latið sambært løgtingslóg um fyrisiting av sjófeingi, uttan so at tann sum søkti um fiskiloyvi, fyrst hevði váttað, at skipari og manning á fiskifari í tí ávísa fiskiskapinum vórðu lønt samsvarandi sáttmálum við føroysk manningarfeløg. Landsstýrismaðurin hevur svarað, at við einum undantaki, eru hesar váttanirnar fingnar til vega, áðrenn fiskiloyvini vórðu latin.

Men spyrjarin er ikki nøgdur við svarið, tí tað at váttan er fingið til vega nýtist ikki at merkja, at manningin veruliga verður lønt sambært sáttmálunum. Tí spyr hann nú landsstýrismannin meira ítøkiliga um skipari og manning á skipum sum hava fingið fiskiloyvi verða lønt samsvarandi sáttmálum við manningarfeløgini.

Løgtingsmaðurin spyr eisini, um landsstýrismaðurin metir, at tað er í samsvari við lógina um sjófeingi, um skipari og manning á fiskifari undir føroyskum flaggi, sum fiskar av føroyskum veiðirættindum, ikki eru løntir í samsvari við sáttmálar við føroysk manningarfeløg?

Hann spyr eisini hvørjar avleiðingar tað fær fyri ávikavist tey, sum hava fingið loyvi, og tey sum hava útskriva loyvi, um lógin hesum viðvíkjandi ikki er fylgd.

Fyrispurningar av hesum slagnum skulu verða svaraðir innan 10 yrkadagar.

Lýsing
Seinastu tíðindini
John Petersen nýggjur lands­liðsvenjari
Núpur roktúr norð­anfyri
Ársins leiðarar 2019 | Topp 3 kandidatar…
Magni við Løkke: Vit skulu hava uttanrík…
Mehdi longt sáttmálan
Føðingardagskvøða til formannin, Jørgen…
Breyta­skipanin endur­skoð­ast?
Lógaruppskot skal tryggja fakligu dygdin…
Blaðstjórar skifta
Fyrrver­andi løgmaður finst at atgerðarlo…
Til minnis um bróðir mín, Hera Kragestee…
Kári spyr løgmann um revsing í rúsevnamá…
Formula varpar ljós á persónsdátuvernd o…
Vinnufundur í Spania­stovu og Beinta á Bó…
Team Klaksvík fylgdi við VÍF í 40 minutt…
Styrkir og veikleikar hjá norska KÍ miðv…
75 ára føðingardagur
Skúli og skúla­stjóri í 30 ár
Gongd á Fjørðuvegin í Runavík
Pápin til horvna mannin takkar føroyingu…