Lýsing

Elsebeth spyr um diabetismiðstøð

SKRIVAÐ: Elsebeth Mercedis Gunnleygsdóttur, løgtingskvinna  |  06.12.2018 - 13:48 Politikkur Tíðindaskriv

Fyrispurningur eftir Tingskipanini § 52a

 

Fyrispurningur um avgerðina og vantandi grundgevingarnar hjá heilsu- og innlendismálaráðnum um ikki at taka samstarv upp við Novo Nordisk um diabetismiðstøð í Føroyum, settur Sirið Stenberg, landsstýriskvinnu í heilsumálum.

 

1.     Hvørjar eru grundgevingarnar fyri, at Heilsumálaráðið sýtti fyri at taka samstarv upp við Novo Nordisk grunninum um diabetismiðstøð í Føroyum?

2.     Hvør hevur tikið avgerð um hetta?

3.     Hví setti Heilsumálaráðið seg ikki í samband við Diabetisfelagið?

4.     Hvørja ávirkan hevur avgerðin fyri diabetissjúklingar í Føroyum?

5.     Metir landsstýriskvinnan, at umstøðurnar hjá diabetissjúklingum eru nøktandi?

6.     Um so var, at ein diabetismiðstøð varð sett upp í Føroyum, hvussu nógv nýggj arbeiðspláss høvdu verði skapt?

 

Viðmerkingar

Útvarpið boðaði í gjár frá, at Novo Nordisk grunnurin í samstarvi við grønlendsku myndugleikarnar hevur gjørt av at seta eina diabetismiðstøð upp í Grønlandi, meðan Heilsumálaráðið takkaði nei til sama tilboð.

 

Sambært forkvinnuni í Diabetisfelagnum hevur heilsumálaráðið ikki ráðført seg við Diabetisfelagið, hóast tað eru millum 4000 til 5000 diabetissjúklingar í Føroyum. Av tí, at heilsumálaráðið ikki vildi taka upp samstarv við Novo Nordisk grunninum, hevur Jannik Hilsted, ið hevur evstu ábyrgd fyri játtanum til diabetes verkætlanir, Novo Nordisk grunnurin veitir, slept ætlanunum um samstarv við føroyskar myndugleika.

 

Avgerðin hevur elvt til mikla øsing millum manna. Tað er sera óheppið, tá heilsumálaráðið tekur so stóra avgerð, uttan at ráðføra seg við Diabetisfelagið, tí ein slík miðstøð hevði uttan iva verið diabetissjúklginum at gagni. 

 

 

Elsebeth Mercedis Gunnleygsdóttur


Løgtingskvinna fyri Fólkaflokkin

Lýsing
Seinastu tíðindini
KÍ spælir neyvan lands­kappingardyst koma…
Dystirnir móti Luzern eru lagdir
Kom og takið synd í Fólka­flokkinum
Fyrsta venjingin á nýggja graslíkinum
Fyrsta standmynd í Føroyum av navngiv­nar…
Ein glaður Frits í Glæmuni
Klaksvík­ingar tóku Svangaskarð til sín
Norðoya Fólkafloks­felag er liðugt við sí…
Líðhamar góðan túr í dag
Fimm dystir á rað uttan tap í Europa kap…
So nógvar pengar fær KÍ fyri Europa Leag…
KÍ skrivaði søgu - Myndarrøð
Skarbalius: Uppiborið at KÍ fer víðari
Merkta grindin í Íslendskum sjógvi
Líðhamar roktúr norð­anfyri
Góð fótbóltslíkindi í kvøld.
Jóannis Erik Køtlum stillar upp fyri Tjó…
Snellan oyðir ongan fisk
Munur á býráðs­politikarum í Runavík og K…
Kristian Isaksen 90 ár