Etasjan

Etasjan er eitt skeinkistað í Fuglafirði, sum varð heildarumvælt og lat upp í nýggjum hami í mai mánaði í 2025. Etasjan er opin hvørt leygar- og sunnukvøld, har skráin bjóðar uppá ymiskt, alt frá quiz til livandi tónleik til kappingar innan sjavs, poker, pool og so eru konsertir á skránni inn ímillum eisini. Støkk-upp tiltøk eru eisini aðrar dagar, tá okkurt serligt er á skránni, so sum hendan serstaka fríggjakvøldskonsertin við Guðrið og SWAY.

Guðrið Hansdóttir

Guðrið er í løtuni plátuaktuell við spildurnýggju útgávuni, Sýrublað. Hetta er hennara sjeynda útgáva og hendan útgávan ferðast sera víða í sjangrum. Í sendingini Studio 5 í KVF Ljóð segði Rúni Jákupsson millum annað, í besta Una Leitisstein stílið, at tað var “Spikahamrandi feitt”. Sýrublað kemur út sama dag sum konsertin verður í Etasjuni, so tað verður sera, sera spennandi at uppliva ein so aktuellan tónleikara á palli í Fuglafirði.

SWAY

SWAY er samansett av teimum trimum songkvinnunum, Daniu O. Tausen, Marionnu W. Nagata og Katrinu Olsen. Tær hava nakað heilt serligt yvir sær og megna at bergtaka fjøldina hvørja tí einastu ferð tær framføra, tí tær hava hvør sína serstøku rødd og saman blívur tað til nakað heilt serstakt. Eisini eru framførslurnar hjá teimum undirhaldandi, so tað er torført at keða seg, tá tær standa á palli saman.

Tú kanst ogna tær atgongumerki á bert 200,- á atgongumerki.fo (early bird á 150,-) og tað er sera avmarkað nøgd av atgongumerkjum.

Konsertin er stuðlað av Økistónum.     

Etasjan