Á Facebook skrivar Rógvi á Tjaldrafløtti Olsen, ið er dekkari við Nærabergi, soleiðis:

So for landið avstað við 75% av seinasta uppgerðilsinum.
Er tað yvirhøvur lov?
Helt ikki at manningin skuldi gjalda fyri keypta kvotu.

Hvør maður hevur goldið 43.000kr í keyptari kvotu og síðan er skattur farin av inntøkuni.

Hetta má vælsaktans koma undir dupultskatting ikki so ?

Hann endar við at heita á fólk um at deila uppslagið, so tað frættist, hvussu manningarnar verða viðfarnar.

Í stuttum snýr hetta seg um, hvørt útreiðslurnar skulu fara av óbýttum ella ikki, og har hevur siðvenjan verið, at reiðarar og fiskimenn hava goldið útreiðslur, áðrenn býtt hevur verið. Hendan siðvenjan er eisini staðfest í gerðarrættarúrskurði. Tískil verða útreiðslurnar til uppboðssølu goldnar av bæði reiðaríum og manning, meðan tað er Landskassin, ið móttekur vinningin av hesum.