Einar Waag er stjóri á Føroya elsta bryggjaríði. Føroya Bjór varð stovnað í 1888, tað er ivaleyst tað sterkasta brandi á Føroya landi og er stoltleikin innan føroyska bryggjarívinnu. Føroya Bjór hevur høvuðssæti í Klaksvík.

Norðlýsið hevur sett Einar Waag stevnu, at hoyra hansara viðmerkingar til kjakið í politisku skipanini um dagarnar. Tað lá í kortunum, at Føroya Bjór slapp at selja teirra framleiðslu, sama stað har framleiðslan er.

- Eg fylgdi við kjakinum í tinginum og eg má siga, at eg gjørdist skuffaður av okkara Bigga og Bjørn Kalsø. Eg veit at teir stemmaðu ímóti, eins og Elsebeth M. Gunnleygsdóttur sigur Einar Waag.

- Harumframt vil eg harðliga átala ta viðferð okkara starvsfólk fingu frá okkara Bigga og Magnus Rasmussen. Teir søgdu á tingsins røðarapalli at okkara starvsfólk ikki megnaðu at handfara tað lógarsetta aldursmarki á 18 ár. Hetta er at vanvirða okkara starvsfólk og vóru teir ikki immunir, so hevði eg saksøkt teir vegna starvsfólkini, sigur Einar Waag at enda við Norðlýsið. 

Niðanfyri sæst hvussu løgtingslimirnir greiddu atkvøðu