Atkvøtt bleiv um hvørs undirhúsið tekur undir við teirri treytum ið Theresa May og ES eru komin ásamt um, hvussu ið farast skal fram tá Bretland fer úr ES. 202 atkvøður vóru fyri avtaluni, meðan heili 432 vóru ímóti.

Tað varð væntandi, at uppskotið bleiv felt - men staðfestast kann, at uppskotið varð felt við einum sera greiðum meiriluta.

Theresa May tók orðið tá atkvøðugreiðslan varð liðug. Her staðfesti og viðurkendi hon viljan hjá undirhúsinum.

Eftir hetta tók andstøðuleiðarin Jeremy Corbyn orðið og staðfesti, at Labour reisti misálit móti forsætisráðharranum.

Orðaskiftið er enn í gongd - so støðan er nakað óviss í løtuni. Helst verður misálitið umrøtt í morgin.