Lýsing

Týskur flutningsrisi velur føroyska KT-loysn

SKRIVAÐ: Jóhann Lützen  |  04.06.2019 - 08:48 Tíðindaskriv Vinna

Hapag-Lloyd hevur gjørt 3 ára avtalu við føroyska Globe Tracker um útgerð og forrit til stýring av øllum 91.500 kølibingjunum hjá felagnum. Talan er um ein tann størsta einstaka føroyska KT-ordran nakrantíð.

Við loysnini hjá Globe Tracker kunnu flutningsfeløg og teirra kundar alla tíðina fáa at vita, hvar vørurnar eru og hvussu hiti og onnur viðurskifti í bingjunum eru. Eisini ber til at fáa ávaringar, um til dømis streymslit er, og til ber at loysa trupulleikar við køliskipanini uttan at vera á staðnum.

Globe Tracker-útgerðin, ið verður sett á og knýtt í kølibingjurnar, hevur samband við Globe Tracker-forritini umvegis fjarskiftisnetið.

“Avtalan við Hapag-Lloyd er eitt stórt gjøgnumbrot fyri Globe Tracker og staðfestir leiðandi støðuna hjá okkum á hesum marknaðinum. Í løtuni hevur talgilding høga raðfesting millum flutningsfeløg, og at náa higar hevur kravt nógva orku og áhaldni frá øllum rundan um felagið”, staðfestir Jákup Lamhauge, stjóri.

Hapag-Lloyd, sum er fimtstørsta flutningsfelagið í heiminum, kunnger avtaluna við Globe Tracker í dag 4. juni 2019 á stóru flutningsmessuni “transport logistic” í München í Týsklandi.

Tíðindaskrivið frá Hapag-Lloyd sæst her: https://www.hapag-lloyd.com/en/press/releases/2019/06/customised-supply-chain-monitoring--introducing--hapag-lloyd-liv.html


Sí meira kunning og tilfar á okkara fjølmiðlasíðu: https://shwca.se/globetracker

 

 

Um Hapag-Lloyd
Hapag-Lloyd AG er eitt av leiðandi bingjuflutningsfeløgunum í heiminum við 235 nýmótans bingjuskipum, sum rúma 2,5 milliónir bingjueindir. Hapag-Lloyd varð upprunaliga stovnað í 1847 og hevur høvuðsskrivstovu í Hamburg í Týsklandi. Felagið hevur 12.800 starvsfólk og 398 skrivstovur í 128 londum.
www.hapag-lloyd.com


Um Globe Tracker
Globe Tracker framleiðir útgerð og mennir forrit til sporing, eftirlit og stýring av bingjum. Globe Tracker ApS varð stovnað í 2016, er skrásett í Danmark og hevur høvuðsskrivstovur í Tórshavn og Florida, umframt virksemi í Íslandi. Høvuðspartaeigarar eru Tryggingarfelagið Lív, P/F LÍV lívs- og pensjónstryggingarfelagið, Norðoya Íløgufelag og Framherji. Í Globe Tracker starvast 14 fólk, harav 5 í Føroyum.
www.globetracker.com

Lýsing
Seinastu tíðindini
Nú ''byrjar'' kappingin hjá KÍ
Korona hevur ávirkað kappróðrarfyrireiki…
Dartfelagið nógv at gera á Norð­oyastevnu
Maskinsmiðir prógv á TSK
Tónleika­rundferð við Danny og Inga
Rókur Davidsen vann øll talvini
Stroyming: Dartkapping á Norð­oyastevnu
Heimið er, har hjartað er
Tónleika­rundferð við Danny og Inga í dag
FLEIRI KONSERTIR VIÐ DANNY OG INGA LEYGA…
Hjálparpakki 4 verður nú settur í verk!
Poul Mohr (21.08.1929  - 16.06.2018) - f…
Norð­oyastevnan í dag
Neytabúffar av Sandi á Norð­oyastevnu
KÍ kann fara frá hinum
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.