Lýsing

JÚ, VIT KUNNU!

SKRIVAÐ: Sonja Jógvansdóttir  |  04.06.2019 - 14:07 Lesarabrøv Tíðindi

Í morgin eigur tú avgerðina. Tað er tú sum avgerð, hvør tú heldur umboðar teg og títt land best.

Eg havi í hesum valstríðnum fortalt smáar søgur um alt tað, vit kunnu. Eg eri sannførd um, at tað er neyðugt at vísa á, hvussu ómetaliga ófør vit eru sum fólk og land. Tí ofta gloyma vit, hvussu langt vit eru komin sum samfelag, og hvussu vit ár eftir ár hava ment og skapa framburð og broytt samfelagið til tað, vit kenna í dag.

Vóru fleiri dagar eftir av valstríðnum kundi eg fortalt uppaftur fleiri jaligar søgur.

Tí vit síggja tað allastaðni: slóðbrótandi gransking, ítróttarfólk sum bjóða heiminum av, ein ovurhonds íverksetarahug, blómandi mentanarlív, vit verða betur og betur til at virðisøkja okkara tilfeingi, og bjartskygni og framtakshugur ger, at fólk velja Føroyar.

Eg veit væl, at alt ikki er ljósareytt í okkara samfelag, og at tað eru familjur sum liva í fátækradømi, bústaðarneyðin er stór og tað eru ikki øll, sum hava fingið lut í tí stóra framburði, sum hevur verið í Føroyum. Hetta mugu vit leggja alla okkara orku í at fáa broytt. Fortreytin fyri tí er, at vit á løgtingsvalinum í august eru nóg nógv, sum vilja tað sama og sum vilja leggja nógv fyri at lyfta øll úr fátækraváða og byggja íbúður til láglønt. Og sjálvandi fara vit eisini at megna at vinna á hesi avbjóðing.

Vit eru raskasta fólk í heiminum. Vit liggja heilt í toppinum, tá tað kemur til, hvussu stórur partur av fólkinum er á arbeiðsmarknaðinum. Hvønn tann einasta dag geva vit øll okkara íkast til at skapa eitt framkomið og ríkt samfelag. Vit eiga øll lut í tí stóru menning, sum vit síggja í samfelagnum, og vit eiga at vera stolt.

Lat tí ongan fortelja tær, at tú ikki kanst, tí sjálvandi kunnu vit alt tað, vit seta okkum fyri. Tað vísir søgan okkum, og tað prógva vit hvønn tann einasta dag. Tað eru tey virðir, ið vit sjálvi skapa, sum tryggja okkara vælferð og eitt samfelag fyri øll.

Tí er tað óvirðiligt at senda eitt umboð á Fólkating, sum byggir sín politikk á, at tað er betur at danir gjalda fyri okkum og tað er betur at danir umboða og tosa fyri okkum á økjum sum hava týdning fyri okkum

Ongin er betur at umboða okkum enn vit sjálvi og sum raskasta fólk í heiminum skulu vit sjálvandi gjalda fyri okkum sjálvi.

Lat okkum í morgin nú vísa, hvør stirðil er í okkum, lat okkum vísa viljan til at standa á egnum beinum og taka ábyrgd av landinum og hvør øðrum.

Tað er onki, vit ikki kunnu, og í morgin vísa vit tað við at velja eina frælsisrødd at umboða Føroyar á Fólkatingið.

Lat bjartskygni, sjálvsálit og áræði vera vegvísara fyri tínari atkvøðu.

Gott val.

 

Sonja Jógvansdóttir

Fólkatingsvalevni fyri Tjóðveldi

 

 

Lýsing
Seinastu tíðindini
Takk fyri eitt fantastiskt summar
Iacta alea est
Vit hava áræði og dirvi at møta avbjóðin…
KÍ misti stig á Djúpumýri í kvøld
Hetta er nakað vit síggja fram til hvørt…
Kristian Martin: - Hetta er orduliga stu…
Gadus fiskur í heimsflokki
Hanus: Vit standa so leingi sum fólk vil…
Kristin verður á listanum hjá Sjálvstýri
Havi ikki hoyrt so skapt
Enn ein kvinna á listanum hjá Sjálvstýri…
Anfinn Hansen vann egnikappingina
Einki hent í 35 ár. Hvussu leingi skul…
Sjálvandi skal hjúnabands­lógin broytast…
Hampulig fótbóltslíkindi í kvøld
Hesir bátar/­skip fiskaðu mest í 2018
Hesi vunnu fiski­skappingina
Nógvir og stórir vinningar á Sjómannadeg…
Fiski­kapping og vatnkríggj á í dag
KUNNING UM FERÐSLU Á SJÓMANNA­DEGNUM