Lýsing

Føroya Tele tendrað 5G

SKRIVAÐ: Tíðindaskriv  |  07.06.2019 - 05:45 Tíðindaskriv Vinna

Føroya Tele gongur aftur á odda í føroyska framburðinum, og nú hevur Føroya Tele tendrað framkomnu 5G-tøknina. Farnetið hjá Føroya Tele er tað fyrsta, ið fær framkomnu tøknina í Føroyum.

5G-skipanin hjá Føroya Tele er hósdagin 6. juni 2019 sett í verk, og fyrsta 5G-tólið hevur longu koyrt á netinum. Komandi vikurnar verður nýggja tøknin royndarkoyrd innanhýsis á Føroya Tele, áðrenn kundar hjá Føroya Tele koma á nýggja 5G-farnetið á trimum útvaldum støðum seinni í summar.

– Full ferð hevur verið á verkætlanini líka síðani, at Føroya Tele og Huawei gjørdu avtalu um 5G á heysti 2018. Miðvísa arbeiðið hevur eydnast so mikið væl, at vit longu nú eru til reiðar at tendra 5G á okkara farneti, sigur Hans Jákup Langgaard, stjóri í FT Samskifti.

Hans Jákup Langgaard staðfestir, at tað hevur stóran týdning, at farnetið hjá Føroya Tele er tað fyrsta í Føroyum at fáa nýggju tøknina, og at Huawei metir Føroya Tele á jøvnum føti við stóru, altjóða fyritøkurnar, ið somuleiðis hava sett hol á teirra arbeiði við 5G.

– Vit stremba eftir tindunum og ynskja at vera fremst á øllum økjum, og tí er tað ein greiður fyrimunur fyri okkum tøkniliga, at vit fáa fremstu atgongd til 5G og tey tól, sum stuðla nýggju tøknini. Eftir ætlan fáa kundar hjá Føroya Tele atgongd til 5G á útvaldum støðum seinni í summar, sigur Hans Jákup Langgaard.

5G verður mett at vera grundarlagið undir framtíðar talgilda samfelagnum, og skiftið verður slóðbrótandi. Nógv hægri ferð og enn meiri støðugt og álítandi farnet stendur í væntu við nýggju 5G-tøknini, sum fer at slóða fyri kollveltandi møguleikum í framtíðini og hevur við sær, at alt fleiri tól verða knýtt at internetinum.

– Nú taka vit eitt risafet inn í framtíðina og kunnu sostatt ásanna, at vit varðveita Føroyar á ovastu rók, tá ið talan er um samskiftistøkni, sigur Hans Jákup Langgaard, stjóri í FT Samskifti.

Lýsing
Seinastu tíðindini
Óvanliga nógvir yngri rógvarar í KRF í á…
Nú ''byrjar'' kappingin hjá KÍ
Korona hevur ávirkað kappróðrarfyrireiki…
Dartfelagið nógv at gera á Norð­oyastevnu
Maskinsmiðir prógv á TSK
Tónleika­rundferð við Danny og Inga
Rókur Davidsen vann øll talvini
Stroyming: Dartkapping á Norð­oyastevnu
Heimið er, har hjartað er
Tónleika­rundferð við Danny og Inga í dag
FLEIRI KONSERTIR VIÐ DANNY OG INGA LEYGA…
Hjálparpakki 4 verður nú settur í verk!
Poul Mohr (21.08.1929  - 16.06.2018) - f…
Norð­oyastevnan í dag
Neytabúffar av Sandi á Norð­oyastevnu
KÍ kann fara frá hinum
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…