Upptakt: TB-KÍ
Sera týdningarmikil dystur fyri KÍ á jóansøku í kvøld.
TB hevur havt eitt gott kappingarár higartil í mun til, hvat væntað var áðrenn kappingina av teimum flestu. TB er leyst frá niðurflyting og hevur í flestu dystunum givið toppliðunum harða mótstøðu og eisini tikið okkurt stig. KÍ hevur síðstu árini altíð fingið stig í Trongisvági, men fleiri ferðir eru dystirnir endaðir við javnleiki og nærum alttíð hevur talan verið um spennandi dystir. Í steypakappingini bleiv KÍ í fjør útsligið júst í Trongisvági.
Hjá TB hevur toppskjúttin Stefan Radosavljevic leikbann. Men TB hevur fingið svenska Ken Fagerberg frá 07 Vestur í sín hóp, og hann verður møguliga við í kvøld. Hjá KÍ er Óli Ey. Poulsen framvegis skaddur, meðan ivamál er um Jesper Brinck, sum ikki hevur spælt síðstu dystirnar. Flytingarvindeygað er latið upp og Magnus Stamnestrø, Semir Hadzibulic og Páll A. Klettskarð eru tøkir og í hópinum, um alt gongst sum ætlað.
Dysturin á jóansøku byrjar í kvøld kl. 18.30. Dómari verður Eiler Rasmussen.
Seinast dagført: 22.06.19 kl. 11.09