Lýsing
Lýsing
Lýsing
Stakkavík er ein av útróðrabátunum í bólki 5A

Útróðrarbátarnir komnir í álvarasama knípu

SKRIVAÐ: Jóhann Lützen  |  09.07.2019 - 09:41 Leiðarin Politikkur Vinna

Við lógini um sjófeingi, sum kom í gildi í fjør, varð fiskiárið broytt til at fylgja kalendaraárinum og sostatt vera frá januar til desember. Áður var tað frá september til august árið eftir. Nú vit skriva juli, hava útróðrarbátarnir brúkt nærum allar dagarnar hjá sær, og tann broytingin ger, at teir ikki fáa nýggjar dagar fyrrenn 1. januar 2020.

Fullriknu útróðrarbátarnir, bólkur 5A, hava fingið 5.327 dagar, og hava brúkt í minsta lagi 2.465 av teimum, møguliga fleiri, tí yvirlitini eru ikki altíð dagførd, sigur Vørn, ið hevur tølini á síni heimasíðu. Útróðrarbátarnir í bólki 5B hava fingið 3.552. dagar, og av teimum eru brúktir 3.366 dagar. Við útvarpsstøðina R7 siga útróðrarmenn, at teir vænta at hava nokk til 1 mánað afturat.

Ein meginorsøk er, at har er meira drift í útróðrarfiskiskapinum enn vanligt. Frítíðarfiskararnir fáa meira, og allar ábendingar eru um, at har er væl meira fiskur til nú. Útróðrarbátarnir fiska sera væl, og við at hyggja inn á fiskamarknaðin sæst, at teir standa onki aftanfyri línubátarnar í fiskiskapi. Verða útróðrarbátarnir lagdir saman, kemur meira enn so fyri, at teir fiska meira enn línubátarnir. Eisini er líkt til, at óvanliga nógvir bátar royna samstundis, uttan at tíðarskeiðið júst nú søguliga sæð er vertíð. Bátar, sum ikki vanliga fiska hesa tíðina, eru farnir til fiskiskap.

Havstovan tykist vera passiv í øllum hesum. Tá ov lítið er til av fiski, plagar hon annars ikki at spara seg, men nú vit hava øvuta trupulleikan, skortar uppá tilmæli um, hvat er rættast at gera. Ein møguleiki er at økja dagatalið, og tað gevur sjálvsagt størri veiðitrýst, men tað tykist vera nokk av fiski til. Her átti ein at kunnað væntað, at Havstovan eisini hevði eina strategi, tá tað var nóg mikið til, og ikki einans, tá stovnarnir vóru illa fyri.

Onkur hevur hug at ilskast inn á Fiskimálaráðið, tí tað hevur útskrivað fiskiloyvi til ferðavinnufiskiskap. Tilsamans níggju útróðrarbátar hava fingið loyvi at fiska við ferðafólki. Tað merkir at har er virksemi í ráðnum, men at tað ikki fæst við stóra trupulleikan hjá útróðrarmonnunum.

Spurningurin er bara, hvat ber til at gera nú. Løgtingið er ikki saman, og løgtingið er tað einasta, sum hevur heimild at broyta lógina og dagatalið. Landsstýrismaðurin í fiskivinnumálum kann flyta dagar ímillum bólkar, men sambært R7 er fiskimálaráðharrin staddur á Gibraltar í løtuni og tekur ikki telefonina, tá tey ringja til hansara. Tað er sum nevnt eisini avmarkað, hvat hann kann gera.

Eftir ætlan hevur Løgtingið frí í 3 vikur afturat, so verður val útskrivað, og meðan valstríðið er, er sjálvsagt ongin tingfundur. Nývalda Løgtingið kemur í fyrsta lagi saman í september, og tá siga øll teknini í sól og mána, at dagatalið hjá útróðrarbátunum er uppi. Har er tó ein lítil møguleiki, ið er at Løgtingið tekur sær av hesum málinum áðrenn 3. august, tí tann dagin skal valið í seinasta lagi skrivast út. Tann møguleikin hevur sum fortreyt, at løgmaður ikki útskrivar val á ólavsøku.

Tað hoyrist eisini úr maritima umhvørvinum, at línubátarnir eru væl áleiðis at koma í eina líknandi støðu sum útróðrarbátarnir.

Lýsing
Seinastu tíðindini
KSS: Ísak V. Staksá sveinabræv sum maski…
Jóla­kortið 2020
Glitrandi perlur
Ákærdur - fríur ella dømdur
Rognkelsi sum lúsabasari í føroysku aliv…
Litrík høli mitt í býnum
Vínkúllar­nir bjóða til beinleiðis jólaví…
Veðrið í vikuni, sum kemur
Besta løtan at planta eitt træ
Myndarøð: HB vann seg trygt í finaluna u…
Jóla­trø­ini í Klaksvíkar kommunu
Nýggj Bíbliulesiætlan: Les fyri lívið…
HB-NSÍ spæla um at møta Víkingi í steypa…
Jólatræið í Vágstúni tendrað
Fuglafjørður ger íløgur fyri 37,4 mió. k…
Løgmaður fingið handað álit um Kærustovn…
Heim til børn og ung við autismu boðið ú…
KÍ hevur fingið góð úrslit á dreingjasíð…
Jólatrø verða tendrað
Fornt - nýggjur útvarpsleikur í Kringvar…