Lýsing

Skjótt sleppa einans ferðafólk at loysa

SKRIVAÐ: Jóhann Lützen  |  10.07.2019 - 14:50 Leiðarin Politikkur Vinna

Útróðrarbátarnir í bólki 5B hava í dag fingið boð frá Vørn um, at teir ikki sleppa at loysa frá landi aftur. Orsøkin er, at fiskidagarnir fyri í ár eru uppbrúktir. Boðini frá Vørn eru, at fiskiskapurin hjá hesum bólki skal halda uppat í stundini. Jacob Vestergaard sigur, at ger landsstýrismaðurin onki, so leggur hann sjálvan ólavsøkudag uppskot fyri Løgtingið um at hækka dagatalið.

Tað hendi uppaftur fyrr enn væntað. Í eina tíð hevur verið greitt, at tað ikki fór at vera nær námind nóg nógvir fiskidagar til útróðrarbátarnar í bólki 5B til hetta fiskiárið, og í dag hevur Vørn so boðað frá, at nú verður latið aftur. Hetta kemur sera illa við hjá útróðrarmonnunum, men hóast fleiri hava kært sína neyð seinastu dagarnar, hava myndugleikarnir ikki latið við seg koma.

Í bólki 5A eru framvegis nakrir dagar eftir, men har vænta menn, at tað einans eru nóg mangir til fiskiskap til og við august mánað, so mugu teir eisini bindast. Heldur atgerðarloysið hjá fiskimyndugleikunum fram, fara vit sostatt at ikki at síggja nakran útróðrarbát til fiskiskap í heyst.

Jacob Vestergaard sigur í útmelding, at tað er “landsstýrismanninum so líkt” onki at gera, og boðar frá, at um fiskimálaráðharrin heldur ikki ger nakað hesa ferð, so fer Jacob Vestergaard sjálvur at leggja uppskot fyri tingið um at økja fiskidagatalið til bólk 5.

Ferðafólk hava tó framvegis loyvi at fiska við serstøkum loyvi frá Fiskimálaráðnum.

Lýsing
Seinastu tíðindini
Olja á vegnum
Standmynd av Elinborg Lützen í Klaksvík
Eitt nýtt stýri – orð til umhugsanar
Frida Andersson í Spania­stovu
Glottar at hóma viðvíkj­andi atkomu fyri…
Bústaðir: Vit taka hond um trupulleikan
Viðareiðisrenningin útsett til í morgin
Myndir: Føroyar hava fingið nýtt landsst…
Kykmynd: - Eg eri góð við norð­urøkið
Fuglberg og Skoraberg landa upsa til Kós…
Minni av fáa hjá útróðrarbátunum
Pison landar á Kósini í morgun
Prát um samgonguskjali
Eykarokn­ingar hótta tunlarnar Norður um…
Almenn móttøka fyri nýggja lands­stýri­num…
Kringvarpið og Havnar Bio samstarva í Fi…
Í ár eru 10 ár liðin síðani ítrótta­felag…
GLOYMDUR - bókaframløga í Klaksvík. 
Mansstevna í Zarepta komandi vikuskifti…
Kári hjúklar um rútmurnar til Vit elska…